काठमाडौं । बीपी कोइराला मेमोरियल क्यान्सर अस्पताल चितवनका एक कर्मचारी नहरमा मृत अवस्थामा भेटिएका छन् ।सिमरा घर भई विगत ११ वर्षदेखि अस्पतालमा काम गर्दै आएका ३२ वर्षीय सूर्य मिश्र मृत फेला परेको जिल्ला प्रहरी कार्यालय चितवनले जनाएको छ । उनले अस्पतालमा बिजुली मर्मतको काम गर्दथे । उनको शव अस्पताल हुँदै बगेको नहरमा शनिबार भेटिएको हो । शव परीक्षणका लागि भरतपुर अस्पतालमा राखिएको प्रहरीले जनाएको छ ।
अस्पतालका कार्यकारी निर्देशक डा। देजकुमार गौतमले घटना हत्याजस्तो देखिएको भन्दै थप अनुसन्धान प्रहरीले गर्ने बताए ।
