पूर्वप्रधानन्यायाधीश अनिरुद्र प्रसाद सिंहको मृत्यु
३४ वर्षको उमेरमा प्रधान न्यायाधीश बनेको पूर्वप्रधानन्यायाधीश अनिरुद्र प्रसाद सिंहको निधन काठमाडौंको बत्तिसपुतलीस्थित आफ्नै निवासमा मंगलबार बेलुकी ७ः३० बजे एक सय वर्षको उमेरमा निधन भएको हो ।
वि.सं. २००३ सालमा झापा गोश्वाराको हाकिम भइ सरकारी सेवामा प्रवेश गरेका उनले वि.सं. २००४ सालदेखि २०११ सालसम्म झापा, दाङ, तौलिहवा र पाल्पाको बडाहाकिम भई काम गरेका थिए । सिंहले २०१३ साल जेठ ८ गते देखि २०१६ साल असोज १५ गते सम्म सर्वोच्च अदालतको प्रधान न्यायाधीशको रुपमा काम गरेका थिए । उनको निमोनियाका कारण निधन भएको पारिवारिक स्रोतले जनाएको छ । सबै बढी वर्षको उमेरसम्म बाँच्ने पहिलो प्रधानन्यायाधीश पनि भनेर सिंहलाई चिनिन्छ ।
