दक्षिण कोरियाबाट आयो २ लाख ८४ हजार राहत गुल्मीका पहिरो पीडितलाई !
जन न्युज नेपाल खबर !
गुल्मी / गत असार १८ गते राति गुल्मीको इस्मा गाउँपालिकाको वडा नम्बर-१ को मल्दीमा गएको पहिरोले विस्थापित भएका पीडित परिवारलाई दक्षिण कोरियामा रहेका नेपालीहरुले झण्डै ३ लाख आर्थिक सहयोग गरेका छन् । दक्षिण कोरियाबाट पठाएको रकम गुल्मीका पत्रकारमार्फत वडाध्यक्ष चुराबहादुर खत्रीलाई हस्तान्तरण गरिएको छ । वडाध्यक्ष खत्रीले उक्त रकम ५९ घरधुरी पीडितहरुलाई हस्तान्तरण गरिसकेका छन् ।‘क’ वर्गका २ घरधुरीलाई प्रतिपरिवार ८ हजार, ‘ख’ वर्गाका ३४ घरधुरीलाई साढे ५ हजार र ‘ग’ वर्गका २३ घरधुरीलाई साढे ३ हजारका दरले रकम हस्तान्तरण गरिएको वडाध्यक्ष खत्रीले बताए ।
