ललितपुरका एक युवकसहित पाटन अस्पतालमा ३ जना कोरोना संक्रमितको मृत्यु !
जन न्युज नेपाल खवर प्रतिनिधि ललितपुर
पाटन अस्पतालमा उपचाररत तीन जना कोरोना संक्रमित व्यक्तिहरुको मृत्यु भएको छ। मृत्यु हुनेमा ललितपुरस्थित पाटनका २९ वर्षीय युवक, भैरहवाका ५७ वर्षीय पुरुष र जलेश्वरकी ६२ वर्षीया महिला रहेको अस्पतालका निर्देशक डा. रवि शाक्यले जन न्युज नेपाल खवरलाइ जानकारी दिए।
उनले भैरहवाको पुरुषको शनिबार साँझ ७ बजे र पाटनका युवकको राति १० बजे मृत्यु भएको बताए। जलेश्वरकी महिलाको भने शनिबार दिउँसो २ बजे मृत्यु भएको थियो।
अस्पतालका अनुसार पाटनका युवक र भैरहवाका पुरुष किड्नीका विरामी थिए। जलेश्वरकी महिलामा भने रगतमा समस्या रहेको निर्देशक शाक्यले जनाए।
उनले भैरहवाका पुरुष र जलेश्ववरकी महिलाको शव व्यवस्थापन गरिएको र पाटनका युवाको शव व्यवस्थापन गर्न नेपाली सेनाको टोलीलाई खबर गरिएको बताएका छन् ।
आइतबार नै वीरगन्जमा रौतहटका ४० वर्षीय कोरोना संक्रमितको मृत्यु भएको छ।
