समुदायस्तरमा कोरोना न्यून : निको हुदै घर फर्किदै !

 
बर्दिया भदौ ११,समाचारदाता

राजापुर नगरपालिकाका स्वास्थ्य शाखा प्रमुख गणेश अर्यालले राजापुरमा व्यापारी र अन्य समुदायका करीब २०० जनामा पि सी आर परिक्षण गर्दापनि समुदायस्तरमा कोरोनाको संक्रमण हाल न्यून रहेको बताउनु भयो | हाल सम्म कुनै विरामीको चिन्ताजनक अवस्था नहुनुको कारण आइसोलेशनमा सन्तुलित खाना र उपचार बिधि नै रहेको बताउनु भयो | हाल सम्म उपचार पछि २५ जना अमर शहिद श्री दशरथ चन्द मावि आइसोलेशन केन्द्र बाट आ-आफ्नु घर फर्किसकेका छन् | आरडिटि र पिसिआर परिक्षण २५५२ जनाको आजको मिति सम्म भइसकेको जानकारी फोकल पर्सन हरिलाल चौधरी दिनु भयो |निको भई घरफर्केकाहरुको हाल सम्म पुन: कुनैपनि लक्षण नदेखिकाले तिनीहरुको स्वास्थ्य अवस्था राम्रो रहेको देखिन्छ | हाल १० जनाको उपचार भइरेको छ | वहाहरुको स्वास्थ्य   अवस्था सामान्य रहेको छ | हिजो मात्र कन्ट्रायक टेसिङ्गको क्रममा राजापुर नगरपालिका वडा न ४ दलै गाउका ५ वर्षको बालकलाई कोरोना पोजिटिभ भएको छ |

अझै सही सुचना बिरामीले नदिने हुदा प्रभावकारी ढंगबाट टेष्टिङ्ग गर्न नसकेको कुरो प्रमुख अर्याल बताउछन् | खास गरि भारत बाट नेपाल आउने मानिसमा कोरोना पुष्टि भएकको छ भने फाटफुटरुपमा लकडाउन खुल्ला भएपछि भारत र छिमेकी जिल्लाका संमक्रमित व्याक्तिको संम्पर्कमा प्रत्यक्षरुपमा आउने मानिसमा कोरोना देखिएको छ | समुदाय स्तरमा लकडाउन खुलेपछि भयाभव अवस्थामा कोरोना हाल नफैलिए पनि व्याक्तिहरुले स्वास्थे र सरकारी नियमको पालना गर्दै आफ्नो दैनिकी संचालन गर्नु पर्ने सुझाव नेपाल रेड्क्रस सोसाइटि राजापुर क उपशाखाका सचिव सुर्य घिमिरेको रहेको छ | गत बैशाखको अन्तिम सातादेखि राजापुर नगरपालिकाले एक एक वटा क्वारेनटेन र आइसोलेशन सेन्ट्रर ( अस्थायी अस्पताल ) संचालन भई कोरोना रोकथाम र उपचारमा कार्य गरिरहेको छ |

कोरोना निको भई घर फर्किएका वडा न तिनका खुशी चौधरी ( नाम परिवर्तन ) भन्दछन सन्तुलित खाना र आत्मबलका कारण मैले त कोभिटलाई पछारीँ |
यसैगरि गेरुवा गाउपालिकामा हाल सम्म ३१ जना पोजिटिभ रहेकोमा २९ जना निको भई घर फर्किसकेको र २ जनाको उपचार भईरहेको जानकारी स्वास्य्९ प्रमुख नारायण परसाद भण्डारीले जानकारी दिनु भयो | साथै हाल सम्म गाउपालिकामा ११८२ राडिटि र ६७७ पिसिरा विधिबाट परिक्षण गरिएको छ | जम्मा १८५९जनाको कोरोना परिक्षण भईसकेको छ |