नेपालगञ्ज । कोरोना पोजेटिभहरुको संख्या बाँकेमा हालसम्म ३५२ पुगेको छ । संक्रमित मध्ये ३११ जना निको भै डिस्चार्ज भएका छन् भने मृत्यु भएकाको संख्या हालसम्म जम्मा २ रहेको छ । बाँकेमा हालसम्म ६८४४ पिसिआर जाँच र ८५५७ आरडिटी जाँच गरिएको बाँकेका प्रजिअ राम बहादुर कुरुम्वाङले बताए ।
बाँकेमा क्वारेन्टाइनमा ८८८ जना बस्दै आएका छन् भने आइसोलेशनमा ४४ र आइसियूमा ३ जनाको उपचार भै रहेको फोकल पर्सन नरेश श्रेष्ठले बताए । असार १३ गते बाँकेको जमुनहा नेपालगन्ज नाकाबाट कर्णालीका ३३सहित १२९ जना नेपाल प्रवेश गरेका र २७१ जना नेपालबाट भारत तर्फ गएको प्रजिअ कुरुम्वाङले बताए।
