नयाँदिल्ली । कोरोना भाइरसको महामारी फैलिन नदिनका लागि भारतमा हाल तीन हप्ते लकडाउन जारी छ । एब अर्ब ३३ करोड भन्दा बढी जनसंख्या रहेको भारतले कोरोना भाइरसको संक्रमण रोक्नका लागि तीन हप्ते लकडाउन गरेको हो ।
त्यहाँ संक्रमितको संख्या अहिलेसम्म एक हजार भन्दा कम नै छ । अहिलेसम्म भारतमा ८८७ जनामा कोरोना भाइरसको संक्रमण पुष्टि भएको छ । कोभिड–१९ का कारण २० जनाको मृत्यु भएको भारतमा ७३ जना कोरोना भाइरसको संक्रमण निको भएर घर फर्किएका छन् ।
यस्तै नेपालको अर्को छिमेकी चीनमा कोरोना भाइरसको नयाँ संक्रमण देखिएको छैन । चीनमा पछिल्ला दिनमा नयाँ संक्रमण तथा कोभिड–१९ का कारण हुने मृत्यु लगभग शून्य रहेको छ ।(एजेन्सी)