काठमाडैं । विश्वव्यापी फैलिएको कोरोना फाइरसले सबैलाई चिन्तामा बनाएको छ । सरकारले यस संक्रमणको जोखिम घटाउन सोमबारदेखि लामोदूरीका सवारी साधन नचल्ने घोषणा गरेपछि शनिबारसम्म ७ लाख भन्दा बढीले उपत्यका छोडेका छन्।
प्रहरीको तथ्यांक अनुसार चैत १ गतेदेखि शुक्रबारसम्म झण्डै ७ लाख मानिसले काठमाडौँ छोडेका हुन् । चैत १ गते ७१ हजार ५ सय ५६ जनाले काठमाडौँ छोडेका छन्। २ गते ८६ हजार ३२७ जना, ३ गते ८८ हजार २ सय १ जना, ४ गते ९१ हजार ८१६ जना, ५ गते ९५ हजार २४७, ६ गते १ लाख ८ हजार ४५८ जना र ७ गते १ लाख ३० हजार ८२२ जनाले काठमाडौँ छोडेका छन्। काठमाडौँ छोडेर बाहिर जानेको संख्या बिहीबार र शुक्रबार एक लाख भन्दा बढी छ ।