Netra Bdr Karki: गजल:-
जीवन एक किसिमको तास झैँ लाग्छ!!
जब जित्छु नि तब मात्रै खास झैँ लाग्छ!!

जब हारें पाएँ अर्को ढोका अवसरको उता!!
त्यसैले त खुद आफैंमा बिश्वास झैँ लाग्छ!!

जहाँ लडें त्यहि टेकेर उठेको छु आजसम्म!!
त्यसैले त पिडाहरु खुब मिठास झैँ लाग्छ!!

दुखको मानो धेरै थोरै बेसाएकै छु जिन्दगीमा!!
र पनि निलौ कि ओकलौ तातो गास झैँ लाग्छ!!

चोटहरु मित्र छ्न् सोधिरहन्छ्न आईरहन्छ्न!!
विचरा! म बाट खुसिहरु निराश झैँ लाग्छ!

Netra Bdr Karki: गजल

रामेछाप  बेताली ७-हाल- गोकुलगङा ४

हिँड्न बाँकी थियो अझै बीच बाटोमै गल्यौ किन
थाँती राखी थुप्रै रहर अकस्मात ढल्यौ किन ?

धोको थियो कति मनमा भन्न पनि नभ्याउँदै,
सपनाहरु सप्तरंगी फुलाएर छल्यौ किन ?

हरायौ कि लड्ने शक्ति संघर्षको यो फाँटमा,
चितामाथि राखी इच्छा स्वयं पनि जल्यौ किन ?

यात्रा थाल्नु व्यर्थै किन अपुरो नै छोड्नलाई,
नश्वर त्यो देहसँगै ह्वारह्वार्ती बल्यौ किन ?

उराठिलो, विरसिलो या त ठान्यौ यो दुनियाँ,
चिम्ली आँखा अनायासै अर्कै लोक चल्यौ किन ?