काठमाडौँ । ‘चिठ्ठा परेको’ भन्दै सामाजिक सञ्जालमार्फत २५ लाख ठगी गर्ने तीन जना पक्राउ परेका छन् ।
पक्राउ पर्नेहरुमा उदयपुर स्थायी घर भई सानेपा बस्ने रेवत कुमार खाती, ईमाडोल बस्ने महेश कुमार पाण्डे र सोही ठाउँ बस्ने रोशन विक रहेका छन् ।
भाईबर र म्यासेन्जर मार्फत चिठ्ठा परेको भन्दै खबर गरेर पुरस्कारबापतको रकम निकाल्नको लागी बिमा तथा अन्य धरौटी रकम लाग्ने भनी पटक–पटक आईएमईबाट रकम पठाउन लगाई उनीहरुले ठगी गरेको महानगरीय अपराध महाशाखाले जनाएको छ ।
बुधवार बल्खुबाट पक्राउ परेका अभियुक्तहरुलाई आवश्यक कारवाहीका लागी ईलाका प्रहरी कार्यालय बर्दिबास पठाईएको छ ।
महोत्तरीको बर्दिबास नगरपालिका–१ बस्ने पवित्रा खतिवडालाई भारतको
दिल्लीमा रहेका अपरिचित ब्यक्तिले म्यासेन्टरमार्फत फोन तथा म्यासेज गरेर चिठ्ठा परेको कुरा जानकारी गराएका थिए ।
यसरी ठगिने उनीसँग अन्य रहेका छन् ।
चिठ्ठा रकम प्राप्त गर्नका लागी अभियुक्तहरुले आईएमई मार्फत बिमा तथा धरौटी रकम पठाउन आग्रह गरेपछि पीडीतहरुले नेपाली एजेन्टहरु रेवत कुमार खाती, रोशन विक र महेश कुमार पाण्डेले उक्त रकम
बुझ्ने गरेको प्रहरी अनुसन्धानबाट खुलेको छ ।
नेपाली एजेन्टहरुले रकम बुझेपछि भारतमा रहेको मुख्य व्यक्तिलाई रकम पठाउने गरेका थिए ।
