सुशासन अभियानद्वारा संवैधानिक निकायमा राजनीतिक भागबण्डाको विरोध :
जन न्युज नेपाल खवर प्रतिनिधि : नमुना दहाल कार्की
पूर्वडिआइजी रमेश खरेलको नेतृत्वमा‘हाम्रो नेपाल सुशासन अभियानले संवैधानिक निकायको नियुक्तिमा राजनीतिक भागबण्डाविरूद्ध सबैतिरबाट विरोध गर्न अपील गरेको छ।
हालै अख्तियार दुरुपयोग अनुसन्धान आयोगमा प्रमुख आयुक्त र आयुक्तहरू भागबण्डामा नियुक्तिको तयारी भइरहेको कुरा बाहिरिएपछि अभियानले विरोध गरेको हो।
‘राजनीतिक गुठियारहरूले आ-आफ्ना गुठी मजबुत बनाउँदै स्वार्थ पूरा गर्न र आफ्ना कर्तुत लुकाउन, अरुलाई बदला लिन सहायक हुने गरी व्यक्ति छानी नियुक्त गर्ने प्रवृत्ति हावी हुन जाने अवस्था देखिँदैछ विज्ञप्तिमा भनिएको छ, ‘यसबाट संवैधानिक नियकाहरूको प्रयोजन निस्तेज, भ्रष्ट, स्वार्थी र बिचौलिया हावी भएर राष्ट्र झन् बिकराल अवस्थामा जाने हुन्छ। अभियानले सो कार्यबाट जोगाउन सबै चेतनशील नागरिक, प्रवुद्ध वर्गले आवाज उठाउनुपर्ने बताएको छ।
आ-आफ्ना नजिकका र भनेको मान्ने व्यक्ति नियुक्त गर्ने परिपाटीको अन्त्यका लागि राजनीतिक गुटमा नलागेका, विशुद्ध व्यावसायीक निर्णय क्षमता भएका, निडर र आत्मस्वाभीमान चरित्रबाट बिचलित नहुने व्यक्तिहरुको खोजी र पहिचान हुनुपर्छ,’ अभियानले भनेको छ।
भागबण्डा संस्कार र प्रवृत्तिको अन्त्यका लागि व्यावसायिक र स्वाभीमानी व्यक्तिहरुले आवाज उठाउनुपर्ने अभियानको भनाइ छ।
स्वार्थी, भ्रष्ट, बिचौलिया, प्रवृत्ति भागबण्डाको यो घिनलाग्दो चरित्रको पर्दाफास गरौं, सबै एकजुट बनौं,’ विज्ञप्तिमा भनिएको छ।
