काठमाडौँ । काठमाडौँ महानगरपालिकाले आफ्नो क्षेत्रभित्र पर्ने घरबहाल बापतको कर आफैँले उठाउने संकेत गरेको छ । नेपालको संविधानले नेपालको संविधान तथा प्रचलित कानुनले घरबहाल कर संकलनमा स्थानीय तहकै अधिकार हुने व्यवस्था गरेको भन्दै उक्त व्यवस्था कार्यान्वयन गरी कर संकलनमा महानगरलाई सहयोग गर्न आग्रह गरेको छ ।
महानगरका मेयर बालेन्द्र साहले राष्ट्रिय प्राकृतिक स्रोत तथ वित्त आयोगलाई पत्र लेख्दै अबदेखि बहालकर महानगरले नै उठाउने व्यवस्था मिलाइदिन आग्रह गरेका छन् । त्यस्तै, यसअघि संघीय सरकारका निकायहरुले संकलन गरेका बहाल कर फिर्ता गर्न पनि आग्रह गरेको छ ।
स्थानीय क्षेत्रको अधिकारमा पर्ने बहाल कर संघीय सरकारले उठाउँदा महानगरलाई स्रोतको अभाव भएको र वार्षिक झण्डै डेढ अर्ब रुपैयाँ कर गुमाउनु परेको समेत उनले बताएका छन् ।
