काठमाडौँ । बालकृष्ण खाँडले नक्कली भुटानी शरणार्थी बनाउने प्रकरणमा गरेको आर्थिक लेनदेनको म्यासेज यसअघि नै पक्राउ परेका पूर्व गृहसचिव समेत रहेका नेपाल सरकारका बहालवाला सचिव टेकनारायण पाण्डेको मोबाइलमा भेटिएको छ ।
पक्राउ परेका पाण्डेको मोबाइल परीक्षणका लागि प्रहरीले फरेन्सिक ल्याबमा पठाइएको थियो । उक्त फरेन्सिक ल्याबको रिपोर्ट प्राप्त भएसँगै उक्त प्रकरणमा खाँणले आर्थिक लेनदेन गरेको खुलेको अनुसन्धानमा संलग्न अधिकृतले बताएका छन् ।
खाँणले आर्थिक लेनदेन गरेको खुलेसँगै प्रहरीले उनलाई बुधबार बिहान पक्राउ गरेको हो । बुधबार नै प्रहरीले खाँणलाई ३ दिन हिरासतमा राखेर अनुसन्धान गर्न काठमाडाैँ जिल्ला अदालतबाट अनुमति पाएको छ ।
