काठमाडौं । नेपाली कांग्रेसका नेता एवं गुल्मी जिल्ला क्षेत्र नम्बर १ का सांसद माननीय डा. चन्द्रकान्त भण्डारी आज स्वदेश फर्किने हुनु भएको छ । भारतको मुम्बईस्थित नेशनल बर्न अस्पतालमा उपचाररत नेता डा. चन्द्रकान्त भण्डारी करिब साढे दुई महिनापछि आज स्वदेश फर्किन लाग्नु भएको हो ।
उहाँलाई नेपाल वायुसेवा निगमको नियमित उडानमार्फत दिँउसो २ः५५ बजे मुम्बईबाट नेपाल फर्काउने कार्यतालिका रहेको छ । अहिले स्वास्थ्यमा क्रमिक सुधार भइरहेको छ भने अब बाँकी उपचार डा. चन्द्रकान्त भण्डारीले नेपालमा नै गर्ने उहाँको सचिवालयले जनाएको छ ।
ग्यास लिक भएर डा. भण्डारी घाइते हुनु भएको थियो । सोही घटनामा घाइते डा. भण्डारीकी आमाको उपचारका क्रममा निधन भएको थियो ।
