काठमाडौँ । मोरङमा विभिन्न ३ वटा परीक्षा केन्द्रबाट २०० जना नक्कली परीक्षार्थी पक्राउ परेका छन् । मोरङको ग्रामथान, केराबारी र सुन्दरहरैँचाका तीन परीक्षा केन्द्रबाट ती विद्यार्थी पक्राउ परेको जिल्ला प्रहरी कार्यालय मोरङका प्रबक्ता प्रहरी नायव उपरीक्षक रञ्जन दाहालले जानकारी दिएका छन् । माध्यमिक शिक्षा परीक्षा एसईईका तीनवटा परीक्षा केन्द्रबाट ११६ जना विद्यार्थी पक्राउ परेका छन् ।
एसइई परीक्षामा परीक्षार्थी बनेर परीक्षा दिइरहेका १ सय ९९ जनालाई बिहीबार पक्राउ गरेको हो भने एक जनालाई बुधबार पक्राउ गरेको उनले जानकारी दिएका छन् । दाहालले पक्राउ परेका परीक्षार्थीका विषयमा छानबिन भइरहेको जानकारी दिएका छन् ।
सबैभन्दा बढी सरस्वती मावि ग्रामथानबाट ५२ जना, सार्वजनिक मावि केराबारीबाट १२७ जना र जनता मावि सुन्दरहरैँचाबाट २० जना पक्राउ परेका छन् । यिनीहरूलाई जिल्ला प्रहरी कार्यालयमा पठाउने काम भईरहेको छ । एकै पटक धेरै नक्कली परीक्षार्थी फेला परेपछि प्रहरीलाई त्यसको व्यवस्थापनमा साधन श्रोतको कारण केही समय लाग्ने जिल्ला प्रहरी कार्यालय मोरङले जनाएको छ ।
प्रहरीले बुधबार सोही परीक्षा केन्द्रबाट एक जनालाई पक्राउ गरेको थियो । बिहीबार १९९ जनालाई नियन्त्रणमा लिइएको जिल्ला प्रहरी कार्यालय मोरङका प्रबक्ता प्रहरी नायव उपरीक्षक रञ्जन दाहालले पुष्टि गरेका छन् ।
“आज ५२ जना शंकास्पद परीक्षार्थीलाई नियन्त्रणमा लिएका छौं भेरिफाइ भइरहेको छ,’उनले भनेका छन् एउटाको नाममा अर्कैले परीक्षा दिएको भेटिएपछि नियन्त्रणमा लिएर अनुसन्धान गर्दैछौं ।
कुन-कुन विद्यालयका विद्यार्थी हुन भन्ने खुल्ने क्रममा रहेको उनले बताएका छन् । प्रहरी स्रोतका अनुसार पक्राउ परेका मध्ये धेरै जनाले नरग्राम माध्यमिक विद्यालयका विद्यार्थीको प्रवेश पत्र बोकेका छन् ।
शंकास्पद ५२ जनालाई नियन्त्रणमा लिएको प्रहरीले यो संख्या घटबढ हुनसक्ने बताएको छ ।
यस्तै, केराबारी गाउँपालिका-७ स्थित सार्वजनिक माध्यामिक विद्यालयबाट ४४ जना र सुन्दरहरैचा नगरपालिका-१ स्थित जनता माध्यामिक विद्यालयबाट २० पक्राउ गरिएको प्रहरीले जनाएको छ ।
उनीहरू सामाजिक विषयको परीक्षा दिंदै गरेका थिए ।
