काठमाडौँ । कोरोना भाइरस (कोभिड–१९) संक्रमण पहिचान, रोकथाम तथा उपचारका लागि चाहिने सामग्रीहरु आइतबार चीनबाट नेपाल आइपुगेको छ ।
सरकारले ओबीसीआई प्राइभेट लिमिटेड नामक कम्पनीमार्फत झण्डै सवा एक अर्ब रुपियाँको स्वास्थ्य सामग्री खरिद गरेको हो । आज आइपुगेको सामग्रीको पहिलो किस्ता हो । बाँकी दोस्रो तथा तेस्रो लटमा ल्याइने जनाइएको छ । यी सामग्री लिन नेपाल वायुसेवा निगमको जहाज पजिन शनिबार चीन गएको थियो । आज आइपुगेका सामग्री चिनियाँ जहाजबाट ल्याइएका हुन् । खरिद गरिएका स्वास्थ्य सामग्रीहरुमा गगल्स, पीपीई गाउन, जाँच गर्ने पञ्जा, सफाइमा प्रयोग हुने पञ्जा, एन–९५ मास्क, डिस्पोजेबल जुत्ता तथा अनुहार छोप्ने सामग्री, इन्फ्रारेड थर्मोमिटर, कोरोना परीक्षण गर्ने पोर्टेबल पीसीआर मेसिन, पोर्टेबल पीसीआर रियजेन्ट, संक्रमण परीक्षण किट, नमुना संकलन गर्ने ट्युब आदि रहेका छन् ।
