काठमाडौं । नेपाल कम्युनिस्ट पार्टी ९नेकपा० नेता तथा डोटीबाट निर्वाचित सांसद प्रेमबहादुर आलेले मिर्गौला प्रत्यारोपणमा नेपाली डाक्टरहरु विश्वका कुनै पनि विकशित देशका जत्तिकै अब्बल र सक्षम भएको बताएका छन् ।
बुधबार प्रधानमन्त्री केपी शर्मा ओलीको दोस्रोपटक सफल मिगौला प्रत्यारोपण भएपछि प्रधानमन्त्री ओलीलाई स्वास्थ्य लाभको कामना गर्न टिचिङ अस्पताल पुगेका आलेले सफल मिर्गौला प्रत्यारोपणले नेपाली जनतामा राम्रो सन्देश गएको बताए ।
सांसद आलेले अब कोही पनि नेपाली उपचारको लागि विदेश जानुपर्ने अवस्था नरहेको उल्लेख गर्दै प्रधानमन्त्री ओली सबैको लागि अनुकरणीय रहेको बताए ।
प्रधानमन्त्रीको स्वास्थ्य लाभको कामना गर्न राष्ट्रिय सभाका सत्तापक्षीय नेता दीनानाथ शर्मा, प्रधानमन्त्रीका विदेश मामला सल्लाहकार डा। राजन भट्टराई, कोमल ओली लगायतका नेताहरु पनि दिउँसो अस्पताल पुगेका थिए ।
१२ वर्षअघि भारतको एपोलो अस्पतालमा प्रत्यारोपण गरिएको मिर्गौलाले काम गर्न छाडेपछि प्रधानमन्त्री ओलीको अहिले दोस्रोपटक प्रत्यारोपण गरिएको हो।