काठमाडौं । प्रधानन्यायाधीश चोलेन्द्र शमशेर जबराविरुद्धको महाभियोग प्रस्ताव निष्प्रभावी भएको भन्दै संसद सचिवालयका महासचिव डा. भरतराज गौतमले दिएको पत्र खारेज गर्न माग गर्दै सर्वोच्च अदालतमा रिट निवेदन दायर भएको छ ।
कानून व्यवसायीहरुको छाता संगठन नेपाल बार एसोसिएसनका पदाधिकारीसहित करिब दर्जन संख्यामा कानून व्यवसायीहरुले बुधबार रिट दायर गराएका छन् ।
रिटमा संघीय संसदका महासचिव पौडेलको पत्र अवैधानिक भएको दावी गरिएको छ । नेपाल बार एसोसिएसनका अध्यक्ष पुर्णमान शाक्य, उपाध्यक्ष मुकुन्दप्रसाद पौडेल सहितका पदाधिकारीले रिट निवेदन दिएका हुन् । रिटमाथि शुक्रबार सुनुवाइ हुने भएकाे छ ।
नेपाल बारकाे नेतृत्वमा जबरालाइ सर्वाेच्च प्रवेश राेक्न बुधबारबाटै मूल गेटमा धर्ना अधिवक्ताहरूले सुरू गरेका छन् । गाैतमले दिएकाे पत्र अवैधानिक र गैरकानूनी रहेकाे उनीहरूकाे जिकिर छ ।
