काठमाडौं । रामेछाप नगरपालिका वडा नम्बर २ देउरालीमा सत्ता गठवन्धनबाट आमागी मंसिर ४ मा हुने निर्वाचनका लागि घर दैलो गर्दै हिडेको नेपाली काँग्रेस र माओवादी केन्द्रका उम्मेदवारको पक्षमा जनलहर बढ्दै गएको छ । चुनावी प्रचारका लागि घर दैलो गर्दै मंगलबार रामेछाप नगरपालिका ३ देउरालीमा पुगेको गठवन्धनको टोलीलाई स्थानीय बासिन्दाले भव्य स्वागत गरेका छन् ।
देउरालीमा कार्यकर्ता भेलाका लागि पुगेका नेताहरुलाई समेत आश्चर्य हुने गरी उमेदवारको पक्षमा जनसागर उर्लिएको छ । गाउँको टाढा टाढाबाट आफ्ना उमेदवार संग साक्षात्कार गर्नका लागि देउरालीबासी वडा कार्यालय नजिक भेला भएका थिए । प्रतिसभा सदस्यका उमेदवार नेपाली काँग्रेसका जिल्ला सभापति पूर्णवहादुर तामाङ्ग “कान्छाराम” र प्रदेश सभा सदस्य १(१) का उमेदवार तारानारायण श्रेष्ठ सहितका नेताहरु घर दैलो र कार्यकर्ता भेटघाट गर्दै मंगलबार देउराली पुगेका थिए ।
उनिहरुले देउरालीका नागरिकका आवश्यकता पुरा गर्नका लागि पार्टीको घोषणा पत्र बमोजिमको काम गर्ने वताए । कार्यक्रममा उमेदवारहरुका अतिरीक्त माओवादी केन्द्र र नेपाली काँग्रेसका विभिन्न नेताहरुले धारणा राखेका थिए । उनीहरुले एमालेको सर्वसत्ताबाद चरित्रलाई जरै देखि फाल्न र संविधानको रक्षा गरी नागरिकलाई विकास र सुशासन दिनका लागि नेपाली काँग्रेस र माओवादी केन्द्रका उमेदवारलाई मतदान गर्न आग्रह गरेका थिए ।
यसैविच गठवन्धनका उमेदवारहरुले मंगलबारनै साँघुटार र गोठगाउँमा समेत घरदैलो कार्यक्रम गरेका थिए । सोमबार हिमगंगा पुगेका उमेदवारहरुलाई स्थानीयले त्यस क्षेत्रका समस्या सुनाउदै समस्या समाधानका लागि आमागी निर्वाचनमा गठवन्धनलाई सघाउने आश्वासन दिएका थिए । गठवन्धन संग प्रतिस्पर्धामा रहेको नेकपा एमालेले पनि मंगलबार लिखु तामाकोशी गाउंपालिकाको धोविमा चुनावी सभा गरेको छ ।
गाउंपालिका स्तरिय चुनावी सभामा एमालेका केन्द्रीय सदस्य कमलप्रसाद चौलागाई, प्रतिनिधिसभाका उमेदवार कैलाश प्रसाद ढुंगेल, केन्द्रीय सदस्य माधव ढुंगेल, जिल्ला अध्यक्ष आनन्द श्रेष्ठ र प्रदेश सभा १(१) का उमेदवार शान्तिप्रसाद पौडेलले आ आफ्ना धारणा राखेका थिए । एमालेले धोविमा गरेको चुनावी सभामा पनि कार्यकर्ताको उपस्थिति बाक्लो देखिएको थियो ।
