काठमाडौं । रामेछापको उमाकुण्ड गाउँपालिका– वडा नं . २ बाम्तीमा विद्युत् लाइन सट हुँदा एक घर जलेर पूर्ण रुपमा नष्ट भएको छ । गए राति बाम्ती तार्जे निवासी रामबहादुर खड्काको तीन तले घरमा आगलागी हुँदा घरमा रहेको नगद तथा धनमाल जलेर नष्ट भएको छ ।
आगलागिमा परी धनमाल , कपडा, नगद, गरगहना, खाद्यान्न जलेर पुर्णरुपमा नष्ट भएको प्रहरीले जनाएको छ । आगलागीबाट कुनै मानवीय क्षति भने भएको छैन । मध्य रातमा लागेको आगो बिहान मात्र नियन्त्रणमा आएको थियो ।
आगलागीबाट ३० लाख रुपैँया बराबरको क्षति भएको अनुमान गरिएको छ ।
पीडित परिवारलाई वडा कार्यालयले तत्काल विपत् व्यवस्थापन शीर्षकबाट बाट एक सेट बन्दोबस्तीका सामानको लागी बजेट व्यवस्था गरिदिने भएको छ ।
