काठमाडौं । गोकुलगंगा गाउँपालिकाका नवनिर्वाचित जनप्रतिनिधि र कर्मचारीहरुका लागि १ दिने अनुशिक्षण कार्यक्रमको आयोजना गरिएको छ ।
गाँउपालिकाकी उपाध्यक्ष उषा कार्कीको प्रमुख आतिथ्यतामा सम्पन्न उक्त कार्यक्रममा वस्ती स्तरवाट गरिने आयोजना छनौट र त्यसको प्रथमिकिकरण,वडाको समितिबाट गरिने योजना छनौट, त्यसपछि कार्यपालिकाबाट पारित योजनाहरुको लागि गठन गरिने उपभोक्त समिति गठन बिधि, त्यसपछि गरिने योजना सम्झौता, प्राविधिक स्टमेट का वारेमा जानकारी गराइएको थियो ।
त्यसैगरी योजना सम्झौता, सम्झौता पछि योजनाको गुणस्तरीयता, योजनाको भुक्तानीका लागि संकलन गर्नुपर्ने बिल भर्पाई, डोर हाजिरी,अन्तिम मुल्याङ्कन,र योजनाको फरफारक का बारेमा जानकारी गराइएको थियो ।
गाँउपालिकाको वडा नं–४ बेतालीमा सम्पन्न कार्यक्रममा प्रमुख प्रशासकिय अधिकृत होम बहादुर थापा लेखा अधिकृत राजन गुराँगाई, ईन्जिनियर, योजना अधिकृत लगायतका कर्मचारीहरुले सहजिकरण गरेका थिए ।
यस कार्यक्रमले योजना छनौट र संञ्चालनका लागि थप टेवा पुगि दीगो बिकासको लक्ष हासिल गर्न सहयोग पुग्ने अपेक्षा पालिकाले लिएको र यस्ता कार्यक्रमहरु अरु वडाहरुमा पनि गर्दै जाने योजना रहेको प्रमुख प्रशासकिय अधिकृत होम बहादुर थापाले बताउनुभयो ।
