सुनसरी । जबरजस्ती करणी मुद्दाका फरार प्रतिवादी १८ वर्षपछि पक्राउ परेका छन् ।
पक्राउ पर्नेमा बराहक्षेत्र नगरपालिका ५ का सुरज विश्वकर्मा रहेकाे प्रहरीले जनाएकाे छ । उनलाई सोही नगरपालिका ५ भरौलबाट घटना घटेकाे १८ वर्षपछि आइतबार प्रहरीले पक्राउ गरेको हाे ।
उनले १४ वर्षिया किशोरीलाई ४-५ जनाको समूहमा गइ सामूहिक बलात्कार गरी फरार भएका थिए । उक्त घटनामा सर्वोच्च अदालतले प्रतिवादीहरूलाई ९ वर्ष ५ महिना १९ दिन कैद ठहर गरेकाे छ । बलात्कार गरी फरार भएका उनी लुकिछिपी अवस्थामा बसेको प्रहरीले जनाएकाे छ ।
पक्राउ परेका उनलाई कैद भुक्तानको लागि झुम्का कारागार पठाइएको छ ।
