काठमाडौँ । रुपन्देहीमा एक महिलाले आफ्नै श्रीमानविरुद्ध जबर्जस्ती करणीको जाहेरी दिएकी छन् । तिलोत्तमा नगरपालिका -१७ की ती महिलाले इलाका प्रहरी कार्यालय बुटवलमा मंगलबार जाहेरी दिएकी हुन् ।
इप्रका बुटवलका डीएसपी ठगबहादुर केसीकाअनुसार ती महिलाले जाहेरीमा ६ महिनादेखि पतिले मादकपदार्थ तथा लागूपदार्थ खाएर कुटपिट गर्नाका साथै आफू बिरामी हुँदा पनि इच्छाविपरीत जबर्जस्ती करणी गरेको आरोप लगाएकी छन् ।
पतिको अत्याचारबारे सासू र ससुरालाई जानकारी गराउँदा पनि वास्ता नगरेको जाहेरीमा उल्लेख छ । जाहेरीमा सासू र ससुरालाई समेत झिकाई अनुसन्धान गर्न माग गरिएको छ ।
