पुष्कर खड्का
रामेछाप । रामेछापको लिखु तामाकोसी गाउँपालिकाका वडा नम्बर -२ सैपुका अशक्त भएका व्यक्तिलाई घरमै पुगेर सामाजिक सुरक्षा भत्ता वितरण गरिएको छ ।
वडा नम्बर -२ सैपुका वडा अध्यक्ष सन्तोष पौडेलको पहलमा बृद्ध–बृद्धा र शारीरिक अशक्त भएका व्यक्तिहरूलाई सामाजिक सुरक्षा भत्ता घर–घरमै पुगेर वितरण गरिएकोे हो।
आर्थिक वर्ष ०७८/०७९ को सामाजिक सुरक्षा भत्ता बैङ्कसम्म पुगी लिन नसक्ने
बृद्ध–बृद्धा र शारीरिक अशक्त भएका व्यक्तिहरूलाई सहयोग गरिएको र बृद्ध–बृद्धा र शारीरिक अशक्त भएका व्यक्तिहरूलाई सधैं सहयोग गर्ने अध्यक्ष पौडेलले बताउनु भयो ।
अध्यक्ष पौडेलको जानकारी अनुसार ‘सामाजिक सुरक्षा भत्ता कुनै दया वा माया लागेर दिएको भत्ता होइन, यो उहाँहरूको अधिकार हो,’ उनले भने, ‘बैङ्कसम्म पुग्न नसक्नेलाई घर–घरमा पुर्याउनु स्थानीय सरकारको दायित्व हो । त्यहीं दायीत्व हामीले पूरा गरेका हौं ।’सामाजिक सुरक्षा भत्ता घर–घरमै पाएपछि ९९ बर्षका बृद्ध–बृद्धाहरु धेरै खुसी भएका छन् ।
