काठमाडौँ । स्थानीय वायुको प्रभावले देशका विभिन्न स्थानमा बदली भएको छ । बिहानै बागमती र गण्डकी प्रदेशका केही क्षेत्रमा बदली भएको हो ।
केहीबेर अघि काठमाडौँ उपत्यकामा पनि हलका वर्षा भएको थियो । जल तथा मौसम पूर्वानुमान महाशाखाका अनुसार राजधानीसहित देशका विभिन्न स्थानमा शनिबार बिहान वर्षा भएको हो ।
दिउँसो पनि प्रदेश १ को पहाडी भूभागका केही र बागमती प्रदेश तथा गण्डकी प्रदेशका पहाडी भूभागका थोरै स्थानमा मेघ गर्जन र चट्याङसहित हल्का वा क्षणिक वर्षाको सम्भावना रहेको छ ।
यस्तै राति प्रदेश १ , बागमती प्रदेश र गण्डकी प्रदेशका पहाडी भूभागका थोरै स्थान र मधेस प्रदेशका एक वा दुई स्थानमा मेघ गर्जन र चट्याङसहित हल्का वर्षाको आकलन गरिएको छ ।
