काठमाडौं । पृथ्वीलोकमार्ग अन्तर्गत धादिङ्गको धुनिबेशी नगरपालिका–९ बिसकिलोमा आज बिहान पौने ३ बजे ट्रिपर दुर्घटना हुँदा चालकको घटनास्थलमै मृत्यु भएको छ भने परिचालक घाइते भएका छन् ।
काठमाडौंबाट खानीखोला तर्फ जाँदै गरेको बा ४ ख ११६२ नम्बरको ट्रिपर दुर्घटना हुँदा चालक धुनिवेशी–८ भदौरेका ३२ बर्षीय राज कुमार श्रेष्ठको घटनास्थलमै मृत्यु भएको हो ।घाइते भएका परिचालक काठमाडौंका २० बर्षीय सविन कुँवरलाई उपचारको लागि राष्ट्रिय ट्रमा सेन्टर काठमाडौं ल्याइएको छ ।
ट्रिपर अनियन्त्रीत भई सडकबाट अन्दाजी २० मिटर तल खसेको इलाका प्रहरी कार्यालय खानीखोलाले जनाएको छ ।
