लेखक संग्रौलाले सरकार गठनको साँचो जसपासँग रहेको बताए । तर जसपाका नेताहरुले जसले हाम्रो माग पुरा पर्छ, उसलाई समर्थन गर्छौ भनिरहेको भन्दै उनले केपी ओली र अरु बराबर हुन नसक्ने बताए । उनले ठाकुरलाई प्रश्न गरे, केपी ओलीलाई समर्थन गर्नुपर्ने बाध्यता के छ ?

जवाफमा ठाकुरले आफूहरुले प्रधानमन्त्री ओलीलाई समर्थन नगरेको बताए । पछिल्लो पटक भएको भेटमा पनि प्रधानमन्त्री ओलीले सरकारमा आउनुस् भनेर आग्रह गरेको भन्दै उनले भने, ‘हामीले समर्थन गरेका छैनौं । भनेको यत्ति हो, म तपाईको विरोधमा छैन ।’

उनले यसअघि धेरै लिखित सम्झौता भएपनि पुरा नभएकाले अब त्यसरी नहुने बताए । उनले अघि भने, ‘चेकले काम चल्दैन, अब नगद चाहिन्छ ।’