काठमाडौं, ८ पुष । मुलुकमा थप ७ सय ४३ जनामा कोरोना भाइरस कोभिड १९ संक्रमणको पुष्टि भएको छ । पछिल्लो २४ घण्टामा ६ हजार ५ सय ५९ जनाको कोरोना परीक्षण गर्दा सो संख्यामा संक्रमित थपिएका हुन् ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशका बिभिन्न भागमा ७ सय ४३ संक्रमित थपिएसंंगै नेपालमा संक्रमितको कुल संख्या २ लाख ५५ हजार ९ सय ७९ पुगेको छ ।
काठमाडौं उपत्यकामा थप ३ सय १८ जनामा संक्रमण फेला
यसैगरी काठमाडौं उपत्यकामा पछिल्लो २४ घण्टामा थप ३ सय १८ जना संक्रमित फेला परेका छन् । जस्मा १ सय १८ महिला र २ सय पुरुष छन् ।
पछिल्लो २४ घण्टामा काठमाडौंमा २ सय ५०, ललितपुरमा ३४ र भक्तपुरमा ३४ संक्रमित थपिएका छन् । योसंगै काठमाडौ उपत्यकामा संक्रमितको कुल संख्या १ लाख २० हजार २ सय ३५ पुगेको छ ।
योसंगै काठमाडौंमा संक्रमितको कुल संख्या ९५ हजार ४ सय ५९ जना, ललितपुरमा १४ हजार ९ सय २५, भक्तपुरमा ८ हजार ३ सय ८९ पुगेको छ ।
पछिल्लो २४ घण्टामा ९ सय ५२ निको भए, ५ को मृत्यु
कोरोना भाइरस कोभिड १९ को संक्रमणबाट पछिल्लो २४ घण्टामा देशभर ९ सय ५२ निको भएर घर फर्किएका छन् ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभरबाट ९ सय ५२ जना निको हुँदा डिस्चार्ज हुनेहरुको कुल संख्या २ लाख ४६ हजार ६ सय ६१ पुगेको छ । निको हुनेको कुल संख्या प्रतिशतमा ९६ दशमलव ३ रहेको छ ।
त्यस्तै देशभर सक्रिय संक्रमितहरुको संख्या ७ हजार ५ सय १५ रहेको छ । यस्तै संस्थागत आइसोलेसनमा रहनेको संख्या ३ हजार ३ सय ९६ रहेको छ भने होम आइसोलेसनमा रहनेको संख्या ४ हजार १ सय १९ रहेको छ ।
यसैगरी क्वारेन्टाइनमा रहनेको संख्या ४ सय ९ रहेको छ । पछिल्लो २४ घण्टामा देशभर ६ हजार ५ सय ५९ जनाको पीसीआर परीक्षण हुँदा हालसम्म कुल १८ लाख ९० हजार ७ सय ४० जनाको पीसीआर परीक्षण भएको छ ।
यसैगरी पछिल्लो २४ घण्टामा ५ जना संक्रमितको मृत्यु हुँदा नेपालका कोरोना संक्रमणबाट मृत्यु हुनेको संख्या १ हजार ८ सय ३ पुगेको छ ।
