सुनसरी / जन निर्वाचित जनप्रतिधिनिहरुले पछिल्लो समय देशको विकास गर्न नसकेको र धर्मको नाममा देशमा विकृति फैलिरहेको भन्दै राजाबादीहरुले देश व्यापीरुपमा अन्दोलन गरिरहेका छन् । देशव्यापीरुपमा आन्दोलन गरिरहदा इटहरीका एक युवा व्यवसायीले भने राजाले लगाउने श्रीपेच तयार गर्ने काममा केही दिन देखी लागिपरेका छन् ।पूर्वको मुख्य व्यापारीक शहर इटहरीको वडा न १ मा स्थित निलकण्ठ ज्वेलर्स सञ्चालक कर्णबहादुर सेन्चुरीले एक लाख मूल्य बराबारको श्रीपेच बनाउन सुरु गरेका छन् । उनले आफू राजाको श्रीपेच खोसिएकै दिनबाट आफ्नै हातबाट बनाएको श्रीपेच दिन इच्छुक रहेकाले अहिले त्यो रहर पूरा गर्न लागेको बताए । उनका अनुसार तामामा चाँदीको लेपन लागाएर श्रीपेच तयार गरिने छ । साथै श्रीपेचमा विभिन्न बहुमूल्य धातुको पनि प्रयोग गरिने सेन्चुरीले जानकारी दिए
शिव सेनाका केन्द्रीय सदस्य सुरज कँडेलले पनि अहिलेको परिस्थितिमा राजा आवश्यक रहेको बताए । नेपाली जनताले विश्वास गरेर दिएको दुईतिहाई बहुमतको नेताहरुले धज्जी उडाएको भन्दै कँडेलले अव देशमा राजा आउन अपरिहार्य रहेको बताए ।
पछिल्लो समय राजालाई राज्य सत्ता सुम्पिनु पर्ने मागसहित वृहत प्रदर्शन र भेला हुँदै आएको छ । विभिन्न जिल्लामा ‘राजा आउ देश वचाउ’ भन्दै वृहत र्याली निकालिएको दृश्यले धेरैको मनमा शंका उपशंका उव्जिएको छ । तर यो माग र जुलुसले राजनीतिक दलहरुले शिक्षा लिनु भने जरुरी छ ।
