प्रहरी कार्यालय कञ्चनपुरका प्रवक्ता एवं प्रहरी नायव उपरीक्षक अमर बहादुर थापाका अनुसार सोमबार कञ्चनपुरको कृष्णपुरबाट भरुवा बन्दुक सहित दुई जना युवकहरूलाई पक्राउ गरेको छ । पक्राउ पर्नेमा कृष्णपुर नगरपालिका वडा नम्बर १ दोमिल्ला बस्ने २४ वर्षीय लाल बहादुर बिष्ट र सोही ठाउँ बस्ने २५ वर्षीय कमल थापालाई कञ्चनपुर प्रहरीले पक्राउ गरेको छ । शनिबार राति घरमा भरुवा बन्दुक देखाई डरत्रास एवं आतङ्क सिर्जना गरेको भन्ने बिशेष सुचनाका आधारमा बिष्टलाई पक्राउ गरी सोधपुछ गर्दा कमल थापा समेत संगलन रहेको बताए पछि चेकजाँच गर्दा भरुवा बन्दुक १ थान फेला पारेको प्रवक्ता एवं प्रहरी नायव उपरीक्षक थापाका जनाएका छन् । बिष्ट र थापा दुवैलाइ नियन्त्रणमा लिई थप अनुसन्धान भइरहेको प्रवक्ता एवं प्रहरी नायव उपरीक्षक थापाले जनाएका छन् ।
