जन न्युज नेपाल खवर प्रतिनिधि काठमाडौँ !
काठमाडौँ / सर्वोच्च अदालतको बुधबार बसेको आकस्मिक पूर्ण बैठकले अनिरुद्र प्रसाद सिंहको निधनप्रति दुःख व्यक्त गर्दै सर्वोच्च अदालतसहित देशभरका सबै अदालतमा बिहीबार शोक बिदा दिने निर्णय गरेको छ ।
सप्तरी जिल्लामा १९७६ सालमा जन्मिएका सिंहले २०१३ साल जेठ ८ गते प्रधानन्यायाधीश नियुक्त भई २०१६ असार १५ गतेसम्म काम गरेका थिए ।
सर्वोच्च अदालतका प्रवक्ता भद्रकाली पोखरेलका अनुसार सिंहको निधनबाट राष्ट्रले एउटा सच्चा राष्ट्रप्रेमी र न्यायिक व्यक्तित्व गुमाएको भन्दै सिंहको आत्माको चीर शान्तिको कामनासहित शोकसन्तप्त परिवारजनमा समवेदना प्रकट गदै प्रेस विज्ञप्ति समेत जारी गरेको छ ।
