काठमाडाैं । अर्थमन्त्री डा.स्वर्णिम वाग्लेले केही सीमित समूहले पूँजी बजारमा हेरफेर, इन्साइडर ट्रेडिङ र जनताको १५–१६ अर्ब रुपैयाँ दुरुपयोग गरेर अकुत सम्पत्ति आर्जन गरेको आरोप लगाउनुभएकाे छ ।
सिहदरबारमा मंगलबार अर्थ समिति बैठकमा बोल्दै उहाँले यस्ताे आराेप लगाउनुभएकाे हाे । आर्थिक र राजनीतिक संस्थामाथि समेत प्रभाव जमाउने प्रयास भएको बताउनुभयाे । विगत केही वर्षमा वित्तीय तथा आर्थिक संस्थाहरू निश्चित व्यक्तिहरूको कब्जामा गएको कटु यथार्थ स्वीकार गर्नुपर्ने अवस्था रहेको उल्लेख गर्नुभएकाे छ।
अर्थमन्त्री वाग्लेले नेपालको पूँजी बजारलाई व्यावसायिक, पारदर्शी र विश्वस्तरीय मापदण्ड अनुसार विकास गर्ने सरकारको लक्ष्य रहेको स्पष्ट पार्नुभयो । उहाँले केही समूहले बजारमा कृत्रिम प्रभाव सिर्जना गरेर राजनीतिक नेतृत्वसम्म प्रभावित पार्ने अवस्था सिर्जना भएको टिप्पणी गर्नुभएकाे छ।….
अर्थमन्त्री वाग्लेले ‘जेनजी आन्दोलन’ लाई परिवर्तनको महत्वपूर्ण कारकका रूपमा उल्लेख गर्दै त्यसले मुलुकलाई गलत दिशातर्फ जानबाट जोगाएको दावी गर्नुभयो। अहिले सरकार सुशासनलाई केन्द्रमा राखेर अघि बढिरहेको समेत दावी छ।
अर्थमन्त्री वाग्लेले प्रधानमन्त्रीको भनाइ उद्धृत गर्दै पहिलो वर्ष सुशासनको आधार निर्माणमा केन्द्रित हुने र त्यसपछि विकास निर्माणका काम स्वतः अघि बढ्ने धारणा व्यक्त गर्नुभयो ।
