काठमाडौं । नेपाली कांग्रेसको १५औँ महाधिवेशनमा नेता रामहरि खतिवडाले सहमहामन्त्री पदमा उम्मेदवारी दिने घोषणा गर्नुभएको छ। यसअघि महामन्त्री पदमा उम्मेदवारी दिने तयारीमा रहनुभएका खतिवडाले नेता तथा कार्यकर्तासँगको छलफल र सुझावपछि सहमहामन्त्री पदमा उम्मेदवारी दिने निर्णय गर्नुभएको हो।
खतिवडाले पार्टीभित्रको समन्वय, सहमति र एकतालाई प्राथमिकता दिँदै सबैलाई समेटेर नेपाली कांग्रेसलाई अघि बढाउने आफ्नो धारणा सार्वजनिक गर्नुभएको छ। उहाँले विगतमा पार्टीबाट बाहिरिएका नेता तथा कार्यकर्तासहित देशभरका लोकतान्त्रिक शक्तिलाई एकताबद्ध गर्नुपर्ने आवश्यकता रहेको बताउनुभएको छ।
१५औँ महाधिवेशनमा सहमहामन्त्री पदका लागि विभिन्न नेताहरूले उम्मेदवारी घोषणा गरिरहेका छन्। कांग्रेसको नयाँ सांगठनिक संरचनामा विभिन्न समुदाय, क्षेत्र तथा समूहको प्रतिनिधित्व सुनिश्चित गर्ने व्यवस्था गरिएको छ।
यसै सन्दर्भमा रामहरि खतिवडाको सहमहामन्त्री पदको उम्मेदवारीलाई साथ, सहयोग र शुभेच्छा प्रदान गर्न सबै नेता, कार्यकर्ता, प्रतिनिधि तथा शुभेच्छुकहरूमा हार्दिक अनुरोध गरिएको छ।
खतिवडाले महाधिवेशनले युवा, महिला, दलित, जनजाति, बुद्धिजीवी, पूर्वप्रजातन्त्र सेनानी तथा पिछडिएका समुदायमा नयाँ उत्साह सिर्जना गरेको बताउँदै कांग्रेसलाई अझ समावेशी र प्रभावकारी बनाउने प्रतिबद्धता व्यक्त गर्नुभएको छ।
सहमहामन्त्री पदका उम्मेदवार रामहरि खतिवडालाई यहाँहरूको अमूल्य साथ, सहयोग र शुभेच्छाका लागि हार्दिक अपिल।
