आजको पञ्चाङ्ग र राशिफल

वि.सं. असोज १०, २०८३ । इ.सन् 26 Sep, 2026 । शक संवत् १९४८ । नेपाल संवत् ११४६ (ञलाथ्व) रौद्र संवत्सर दक्षिणायन शरद ऋतु । शनिवार भाद्र शुक्लपक्ष । तिथि पूर्णिमा, २२:०२ बजेपछि प्रतिपदा । नक्षत्र पूर्वभाद्रपदा, १२:१२ बजेपछि उत्तरभाद्रपदा । योग गण्ड, १५:०२ बजेपछि वृद्धि । करण भद्रा, १०:१३ बजेपछि वव, २२:०२ बजेउप्रान्त वालव । चन्द्रराशि कुम्भ । योग (आनन्दादि) काल । दिनमान १२:० । सूर्योदय ०५:५४ । सूर्यास्त १७:५४ । दिन विशेष : भ.१०:१३प., पञ्चक, पूर्णिमाव्रत, यँया:पुन्हि, वंघया:मंगया, इन्द्रदह स्नान, प्रौष्ठपदी श्राद्ध, भ.पु सिद्धपोखरी मेला, चेपाङ्ग चोनाम पर्व ।

मेष – Aries
चु, चे, चो, ला, लि, लु, ले, लो, अ
खर्चको जोहो गर्न आफन्त र परिवारबाट टाढिनुपर्ला। केही पाउन केही वस्तु त्याग्नुपर्ला। यात्रा तथा भ्रमणका लागि प्रयत्न गर्ने समय छ। टाढाका साथीभाइले काममा साथ दिनेछन्। दोहोर्याएर प्रयत्न गर्दा रोकिएको काम सम्पादन हुनेछ। अर्थअभाव खट्किए पनि आवश्यक पर्दा सापट वा कर्जामार्फत धन जुटाउन सकिनेछ। धन तथा लाभांश अरूका लागि खर्चनुपर्ला।
वृष – Taurus
इ, उ, ए, ओ, वा, वि, वु, वे, वो
श्रमको उच्च मूल्यांकन हुनेछ। पहिलेको आम्दानी प्राप्त हुनाले उत्साह जाग्नेछ। आवश्यक भौतिक साधन जुट्नाले नयाँ काम थालनी हुनेछ। दिगो फाइदा हुने काम प्राप्त हुन सक्छ। आयस्रोत बढ्नुका साथै पछिका लागि पनि सामान्य लगानी गर्न सकिनेछ। कृषि, पशुपालन तथा व्यापारमा मनग्य आयआर्जन हुनेछ। सञ्चित धन उपयोग गरेर पनि फाइदा लिन सकिनेछ।
मिथुन – Gemini
का, कि, कु, घ, ङ, छ, के, को, हा
आफ्ना कमजोरी बाहिरिनाले समस्या पर्ला। सम्भावना देखिए पनि उपलब्धि प्राप्त गर्न समय लाग्नेछ। नियमित कामलाई निरन्तरता दिन सकिनेछ। धेरैको भलाइ हुने काम शुभारम्भ हुन सक्छ। मेहनतले राम्रै उपलब्धि दिलाउनेछ। नाम, दाम र इनाम हातलागी हुनेछ। अवसर प्राप्त भए पनि आफ्नैले काम बिगार्न सक्छन्। नयाँ योजनातर्फ लगानीमा जाेखिम बढ्नेछ।
कर्कट – Cancer
हि, हु, हे, हो, डा, डि, डु, डे, डो
अरूको सहयोगमा जुट्नुपरे पनि आफैंलाई फाइदा हुनेछ। समाजमा तारिफयोग्य काम सम्पादन हुनेछ। रोकिएका काम समेत सम्पादन हुनेछन्। कामले नयाँ जिम्मेवारी दिलाउन सक्छ। जीवनशैली व्यस्त रहनेछ र सेवामूलक काममा समय बित्न सक्छ। चुनौतीपूर्ण कामकाे जिम्मेवारी समेत वहन गर्नुपर्ला। तापनि भविष्यका लागि नयाँ काममा जग बसाउने मौका छ।
सिंह – Leo
मा, मि, मु, मे, मो, टा, टि, टु, टे
प्रतिकूल परिस्थितिले चिन्ता बढाउन सक्छ। अरूका लागि समय, धन र बुद्धि खर्चनुपर्ला। तापनि, विगतका कमजोरीमा क्रमश: सुधार आउनेछ। मिहिनेतले उपलब्धि हातलागी हुनेछ। काम पूरा नभए पनि प्रयत्न गर्दा केही लाभ हुनेछ। चिताएको मूल्य प्राप्त नभए पनि पछिलाई फाइदा हुने काम हातपार्न सकिनेछ। कामकाे चापले स्वास्थ्य भने कमजाेर रहनेछ।
कन्या – Virgo
टो, पा, पि, पु, ष, ण, ठ, पे, पो
परिस्थिति अनुकूल रहनेछ भने लगनशीलताले लक्ष्यमा पुर्याउनेछ। छोटो समयमा फाइदा उठाउन सकिनेछ। सुन्दर पहिरनले व्यक्तित्वमा निखारता आउनेछ। विशेष उपहार प्राप्त हुन सक्छ। परिवारजनको साथले उत्साह जगाउनेछ। मित्रता र प्रेमको बन्धन कसिनेछ भने अतिथिको रूपमा सत्कार प्राप्त हुने समय छ। पेसा तथा व्यापारको बहानामा यात्रा हुन सक्छ।
तुला – Libra
रा, रि, रु, रे, रो, ता, ति, तु, ते
अधिक खर्च गर्ने बानीले समस्या निम्त्याए पनि मेहनतीहरूका लागि समय उत्साहजनक रहनेछ। सम्झौता गर्नुपरे पनि प्रतिष्ठा जोगाउन सफल भइनेछ। भौतिक साधन जुट्नेछन् र दिगो फाइदा हुने काम सुरु हुन सक्छ। लामो यात्राको प्रक्रिया अघि बढ्ने समय छ। प्रयत्न गर्दा लक्ष्य प्राप्त गर्न सकिनेछ। काममा मेहनतका साथसाथै गोपनीयतामा पनि ध्यान पुर्याउनुहोला।
बृश्चिक – Scorpio
तो, ना, नि, नु, ने, नो, या, यि, यु
परिस्थिति सोचेजस्तो नहुनाले फाइदा कम हुनेछ। अवसर प्राप्त भए पनि मेसो नमिल्नाले काममा ढिलासुस्ती हुन सक्छ। पढाइलेखाइमा सोचेजस्तो प्रगति गर्न नसकिए पनि गुरुजनको सुझाव र सहयोग लाभदायी बन्नेछ। व्यापारमा फाइदाको स्रोत पहिल्याउन सकिनेछ। परिबन्धले काममा बाधा पुर्याउन सक्छ। आफ्नो प्रतिफलबाट अरूले फाइदा उठाउन सक्छन्।
धनु – Sagittarius
ये, यो, भा, भि, भु, धा, फा, ढा, भे
पुरानो सम्झौता तोड्नुपर्ने हुन सक्छ। समयमा सजग नबन्दा शुभचिन्तक टाढिनेछन्। प्रक्रिया नमिल्नाले कुनै काम दोहोर्याउनुपर्ला। तर लगनशीलताले परिस्थितिलाई बदल्नेछ। पछि लाभ हुने काम प्रारम्भ हुनेछ। फाइदाको स्रोत पहिल्याउन सकिनेछ। अभिभावकको सुझाव र आफन्तको सहयोग लाभदायी बन्नेछ। दिगो योजनाका साथ अघि बढ्दा लाभ मिल्नेछ।
मकर – Capricorn
भो, जा, जि, जु, जे, जो, ख, खि, खु, खे, खो, गा, गि
परिस्थिति अलि संघर्षपूर्ण रहला। अरूका लागि बुद्धि खर्चनुपर्नेछ। पहिलेका सहयोगीहरू पछि हट्न सक्छन्। परिबन्धले अप्ठ्यारो स्थिति निम्त्याउन सक्छ। सफलता मिले पनि कर्मफल अरूलाई सुम्पनुपर्ने अवस्था आउन सक्छ। आफ्नाले समयमा सहयोग नगर्दा अवसर फुत्किन सक्छ। चिताएका काममा बेलैमा योजना बनाएर प्रारम्भ गर्दा फाइदा हुनेछ।
कुम्भ – Aquarius
गु, गे, गो, सा, सि, सु, से, सो, द
समयमा वचन पुर्याउन नसक्ता अरूले आलोचना गर्न सक्छन्। हतारमा निर्णय लिने बानीले अप्ठ्यारो पार्ने हुँदा सजग रहनुहोला। प्रक्रिया नमिल्नाले काम दोहोर्याउनुपर्ने हुन सक्छ। स्वतन्त्र रूपले काम गर्ने वातावरण नमिल्न सक्छ। आजको कामले दिगो फाइदा हुनेछ। रोकिएका काममा दोहोर्याएर प्रयत्न गर्दा लाभ हुनेछ। मिहिनेत गर्दा अध्ययनमा प्रगति हुनेछ।
मीन – Pisces
दि, दु, थ, झ, ञ, दे, दो, चा, चि
कामको अवसर प्राप्त भए पनि भेटघाट र शिष्टाचारले अलमल्याउन सक्छ। स्वास्थ्यका लागि खर्च बढ्नेछ। धन लाभ भए पनि बलजफ्ती गर्ने बानीले समस्या निम्त्याउला। विवादास्पद कामको जिम्मेवारी वहन गर्नुपर्दा आत्मसम्मानमा बाधा पर्न सक्छ। तापनि प्रबल इच्छाशक्तिले लक्ष्यमा पुर्याउनेछ। लगनशीलताले नयाँनयाँ काम गर्ने अवसर समेत दिलाउनेछ।