रामेछाप । नेपाली कांग्रेसको आसन्न १५औँ महाधिवेशनका लागि रामेछाप जिल्लाबाट युवा (३५ वर्षमुनि) संघीय महाधिवेशन प्रतिनिधि पदमा धिरोज खत्रीले उम्मेदवारी प्रस्तुत गरेका छन्।
नेपाल विद्यार्थी संघ (नेविसंघ) केन्द्रीय समितिका निवर्तमान केन्द्रीय सदस्यसमेत रहेका खत्रीले पार्टीको १५औँ महाधिवेशनमा युवा प्रतिनिधिका रूपमा आफूलाई मतदान गरी विजयी गराउन रामेछापका महाधिवेशन प्रतिनिधिहरूसँग आग्रह गरेका छन्।
युवा पुस्ताको सहभागिता र नेतृत्वलाई पार्टीको संगठनात्मक संरचनामा थप प्रभावकारी बनाउन आफूले उम्मेदवारी दिएको खत्रीको भनाइ छ। उनले पार्टीको नीति, विचार र संगठनलाई थप सुदृढ बनाउन युवाको सक्रिय सहभागिता आवश्यक रहेको उल्लेख गरेका छन्।
खत्रीले आफ्नो उम्मेदवारीलाई समर्थन गर्दै रामेछाप जिल्लाका सम्बन्धित प्रतिनिधिहरूलाई मतदान गरी विजयी गराइदिन विनम्र अनुरोध गरेका छन्।
उनले आफ्नो उम्मेदवारीका लागि सहयोग र समर्थनको अपेक्षा व्यक्त गरेका छन्।
