काठमाडौं । विदुषी योगमाया हिमालयन आयुर्वेद विश्वविद्यालयमा उपकुलपति र रजिस्ट्रार पदका लागि आवेदन आह्वान गरिएको छ ।
विश्वविद्यालयको उपकुलपति तथा रजिस्ट्रार छनोट तथा सिफारिस समितिले आइतबार सूचना प्रकाशित गर्दै दुवै पदका लागि इच्छुक तथा योग्य उम्मेदवारबाट आवेदन माग गरेको हो ।
समितिका अनुसार इच्छुक उम्मेदवारले सूचना प्रथमपटक प्रकाशित भएको मितिले १० दिनभित्र अनलाइन आवेदन पेस गर्नुपर्नेछ ।
आवेदनका लागि आवश्यक लिंक विश्वविद्यालयको आधिकारिक वेबसाइटमा उपलब्ध हुने जनाइएको छ । इच्छुक उम्मेदवारले विदुषी योगमाया हिमालयन आयुर्वेद विश्वविद्यालयको आधिकारिक वेबसाइट मार्फत आवेदनसम्बन्धी आवश्यक विवरण प्राप्त गर्न सक्नेछन् ।
समितिले उपकुलपति पदका लागि कार्यविधिको अनुसूची–१(क) र रजिस्ट्रार पदका लागि अनुसूची–१(ख) मा तोकिएको ढाँचाअनुसार आवेदन पेस गर्नुपर्ने जनाएको छ ।
आवेदनका लागि आवश्यक शैक्षिक योग्यता, अनुभव, कागजात तथा अन्य मापदण्डसम्बन्धी विवरण समितिले जारी गरेको सूचनामा उल्लेख गरिएको छ ।
प्राप्त आवेदनमध्ये तोकिएको योग्यता तथा मापदण्ड पूरा गरेका उम्मेदवारलाई छनोट प्रक्रियामा सहभागी गराई उपकुलपति तथा रजिस्ट्रार नियुक्तिका लागि सिफारिस गरिने समितिले जनाएको छ ।
इच्छुक तथा योग्य उम्मेदवारलाई तोकिएको समयसीमाभित्र आवेदन पेस गर्न समितिले आग्रह गरेको छ ।
