काठमाडौँ । नेपाल पर्यटन बोर्डका अनुसार भदौ १० गते आएको विनाशकारी भोटेकोशी तथा त्रिशूली बाढीपछि भदौ १३ दिउँसो १ः३० बजेसम्म १८४ जना पर्यटकको उद्धार गरिएको छ भने तीन जना सम्पर्कमा आएका बताइएको छ ।
थप ४२० जना भने अझै सम्पर्कविहीन अवस्थामा रहेको बोर्डले बताएको हो । यो विवरण पर्यटक प्रहरी तथा राष्ट्रिय विपद् जोखिम न्यूनीकरण तथा व्यवस्थापन प्राधिकरण (एनडीआरआरएमए) बाट प्राप्त सूचनामा आधारित रहेको छ ।
बोर्डले सार्वजनिक गरेको छुट्टै विवरणमा भने बाढीबाट प्रभावित १५ देशका कुल १८७ पर्यटक उद्धार भएको उल्लेख गरिएको छ । जसमा सम्पर्कमा आएका तीन जनालाई समेत समेट्दा पहिलो विवरणको १८४ उद्धार र तीन सम्पर्कमा आएको संख्या गरी कुल १८७ पुग्छ ।
उद्धार हुने विदेशी पर्यटकमध्ये भारतका सबैभन्दा धेरै भारतका ११४ जना रहेका छन् । त्यस्तै दक्षिण कोरियाका २०, चीनका २७, माल्टाका ४, जर्मनीका ४, इटालीका ३, अमेरिकाका ३, रुसका २, स्पेनका २, स्विट्जरल्यान्डका २ र टर्कीका २ जना रहेका छन् ।
