काठमाडौं । प्रधानमन्त्री बालेन्द्र शाहले बुधबार मन्त्रिपरिषद्को बैठक आह्वान गरेका छन्। सरकारका नियमित प्रशासनिक कामकारबाही, समसामयिक राजनीतिक घटनाक्रम तथा विभिन्न नीतिगत विषयमा निर्णय लिन बैठक बोलाइएको हो।
सरकारका प्रवक्ता एवं शिक्षा तथा खेलकुदमन्त्री सस्मित पोखरेलका अनुसार मन्त्रिपरिषद्को बैठक बुधबार बिहान ११ः३० बजे सिंहदरबारस्थित प्रधानमन्त्री तथा मन्त्रिपरिषद्को कार्यालयमा बस्ने तय भएको छ।
बैठकमा विभिन्न मन्त्रालयबाट प्रस्तुत गरिएका प्रस्तावमाथि छलफल हुने, नियमित प्रशासनिक निर्णयहरू अनुमोदन गरिने तथा समसामयिक राजनीतिक र प्रशासनिक विषयमा सरकारको धारणा र आगामी कार्ययोजनाबारे विचार–विमर्श हुने मन्त्री पोखरेलले जानकारी दिए।
सरकारले हाल सामना गरिरहेका विभिन्न समसामयिक चुनौती, विकास आयोजनाको प्रगति, सेवा प्रवाहलाई प्रभावकारी बनाउने उपाय तथा जनजीविकासँग सम्बन्धित विषयहरू पनि बैठकको एजेन्डामा रहने अपेक्षा गरिएको छ।
त्यस्तै, आवश्यक परे केही नीतिगत निर्णय, प्रशासनिक नियुक्ति, मन्त्रालयगत प्रस्ताव तथा अन्य सार्वजनिक सरोकारका विषयमा समेत मन्त्रिपरिषद्ले निर्णय गर्न सक्ने जनाइएको छ।
सरकारका निर्णयहरू सार्वजनिक गर्न बैठक सम्पन्न भएपछि मन्त्रिपरिषद्का निर्णयबारे औपचारिक जानकारी दिइने अपेक्षा गरिएको छ।
