काठमाडौं । कालीमाटी फलफूल तथा तरकारी बजार विकास समितिले मंगलबारका लागि कृषि उपजको अधिकतम थोक मूल्य सार्वजनिक गरेको छ। समितिले तरकारी, फलफूल, मसला, सागपात तथा माछासहित विभिन्न कृषि उपजको नयाँ थोक मूल्य निर्धारण गरेको हो।
निर्धारित मूल्यअनुसार ठूलो नेपाली गोलभेँडा प्रतिकिलो ५० रुपैयाँ, ठूलो भारतीय गोलभेँडा ७० रुपैयाँ, सानो (टनेल) गोलभेँडा ३० रुपैयाँ, रातो आलु (लाम्चो) ५१ रुपैयाँ, रातो आलु (गोलो) ५२ रुपैयाँ, रातो आलु (मुडे) ५२ रुपैयाँ, भारतीय रातो आलु ३७ रुपैयाँ, सेतो आलु ३५ रुपैयाँ तथा भारतीय सुकेको प्याज ५७ रुपैयाँ प्रतिकिलो कायम गरिएको छ।
त्यस्तै, स्थानीय गाजर १२० रुपैयाँ, तराई गाजर ८० रुपैयाँ, स्थानीय बन्दा ४० रुपैयाँ, स्थानीय काउली १०० रुपैयाँ, रातो मूला ३० रुपैयाँ, सेतो मूला (हाइब्रिड) १५ रुपैयाँ, स्थानीय सेतो मूला १५ रुपैयाँ, लाम्चो भन्टा ४० रुपैयाँ र डल्लो भन्टा ५० रुपैयाँ प्रतिकिलो निर्धारण गरिएको छ।
दलहन तथा अन्य तरकारीतर्फ तने बोडी ५० रुपैयाँ, मकै बोडी ७० रुपैयाँ, घिउ सिमी ८० रुपैयाँ, टाटे सिमी १२० रुपैयाँ, भटमासकोशा १०० रुपैयाँ, तितो करेला ५० रुपैयाँ, लौका ५० रुपैयाँ, परवर ६० रुपैयाँ, चिचिण्डो ३० रुपैयाँ, घिरौला ४० रुपैयाँ, झिगुनी ७० रुपैयाँ, पाकेको फर्सी ६० रुपैयाँ, हरियो फर्सी ५० रुपैयाँ, भिण्डी ५० रुपैयाँ, सखरखण्ड १२० रुपैयाँ, पिँडालु १०० रुपैयाँ र स्कुस ५० रुपैयाँ प्रतिकिलो कायम गरिएको छ।
सागपाततर्फ रायोको साग २०० रुपैयाँ, पालुङ्गो साग ३०० रुपैयाँ, तोरीको साग १५० रुपैयाँ, हरियो प्याज २०० रुपैयाँ, हरियो धनियाँ ३५० रुपैयाँ, सेलरी २०० रुपैयाँ, पार्सले ५०० रुपैयाँ, पुदिना ५०० रुपैयाँ तथा जिरीको साग ६०० रुपैयाँ प्रतिकिलोसम्म मूल्य तोकिएको छ।
च्याउको मूल्य पनि उच्च रहेको छ। कन्य च्याउ २५० रुपैयाँ, डल्ले च्याउ ४०० रुपैयाँ, राजा च्याउ ३२० रुपैयाँ तथा सिताके च्याउ १ हजार रुपैयाँ प्रतिकिलोसम्म निर्धारण गरिएको छ।
फलफूलतर्फ फूजी स्याउ ३०० रुपैयाँ, नेपाली केरा प्रतिदर्जन ३०० रुपैयाँ, मालभोग केरा २०० रुपैयाँ, कागती २०० रुपैयाँ, अनार ५०० रुपैयाँ, मालदह आँप २२० रुपैयाँ, चोसा आँप २०० रुपैयाँ, जुनार ३०० रुपैयाँ, स्थानीय नासपाती ९० रुपैयाँ, नेपाली मेवा ९० रुपैयाँ, भारतीय मेवा १२० रुपैयाँ, एभोकाडो ५०० रुपैयाँ, अमला २८० रुपैयाँ तथा नेपाली ड्रागन फ्रुट ४०० रुपैयाँ प्रतिकिलो कायम गरिएको छ।
मसलातर्फ अदुवा २३० रुपैयाँ, हरियो खुर्सानी (लाम्चो/बुलेट) १२० रुपैयाँ, माछे खुर्सानी ९० रुपैयाँ, अकबरे खुर्सानी २०० रुपैयाँ, भेडे खुर्सानी १२० रुपैयाँ, हरियो लसुन २०० रुपैयाँ, सुकेको चाइनिज लसुन २४० रुपैयाँ र नेपाली सुकेको लसुन २०० रुपैयाँ प्रतिकिलो तोकिएको छ।
माछातर्फ ताजा रहु माछा ३४० रुपैयाँ, बचुवा र छडी माछा ३०० रुपैयाँ तथा सुकेको माछा १ हजार रुपैयाँ प्रतिकिलोसम्म कायम गरिएको समितिले जनाएको छ।
समितिका अनुसार यी मूल्यहरू अधिकतम थोक मूल्य हुन्। खुद्रा बजारमा ढुवानी, भण्डारण तथा स्थानीय माग–आपूर्तिका आधारमा मूल्यमा केही फरक पर्न सक्नेछ।
