काठमाडाैं । फिफा विश्वकप फुटबलको समूह ‘के’ बाट कोलम्बिया, पोर्चुगल र डीआर कङ्गो नकआउट चरणमा प्रवेश गरेका छन् ।
मियामी स्टेडियममा आइतबार बिहान भएको खेलमा समूह चरणको अन्तिम खेलमा पोर्चुगलसँग गोलरहित बराबरी खेल्दै कोलम्बिया शीर्ष स्थानमा प्रवेश गरेकाे हाे। गोलरहित बराबरीपछि पोर्चुगल उपविजेताको रूपमा नकआउट चरणमा पुग्यो ।
इन्जुरी समयमा कोलम्बियाले गरेको गोल अफसाइड भएकाे हाे। यो समूहबाट चार अङ्कसहित उत्कृष्ट तेस्रो टोलीका रूपमा डीआर कङ्गो नकआउट चरणमा पुग्न सफल भएकाे छ। डीआर कङ्गोले उज्बेकिस्तानमाथि ३–१ को पुनरागमन जित निकाल्दै नकआउट चरणको यात्रा सुनिश्चित गरेको हो ।
खेलको १०औँ मिनेटमा एल्डोर शोमुरोडोभको गोलबाट उज्बेकिस्तानले अग्रता लिए पनि ६८औँ मिनेटमा योवान विसाले पेनाल्टीमार्फत बराबरी गोल फर्काएका थिए । त्यसपछि ७८औँ मिनेटमा फिस्टन मायेलेले कङ्गोलाई अग्रता दिलाए भने इन्जुरी समयमा विसाले व्यक्तिगत दोस्रो गोल गर्दै टोलीको जित सुनिश्चित गरेका हुन् ।
अमेरिकाको क्यान्सस सिटी स्टेडियममा हाल अल्जेरिया र अस्ट्रियाबीचकाे खेल भइरहकाे छ । साथै डलास स्टेडियममा जोर्डन र अर्जेन्टिनाबीच पनि प्रतिस्पर्धा जारी रहेकाे हाे।
