काठमाडौं । कालीमाटी फलफूल तथा तरकारी बजार विकास समितिले आइतबारका लागि विभिन्न कृषिउपजको अधिकतम थोक मूल्य सार्वजनिक गरेको छ । समितिले दैनिक कारोबार हुने तरकारी, फलफूल तथा अन्य कृषिजन्य वस्तुको न्यूनतम, अधिकतम र औसत मूल्य निर्धारण गरेको हो ।
समितिका अनुसार आइतबार ठूलो गोलभेँडा (नेपाली) को अधिकतम थोक मूल्य प्रतिकिलो ५० रुपैयाँ कायम गरिएको छ । सानो गोलभेँडा (लोकल) १० रुपैयाँ र सानो गोलभेँडा (टनेल) २० रुपैयाँ प्रतिकिलोमा कारोबार हुने जनाइएको छ ।
आलुको मूल्यमा भने प्रकारअनुसार फरक रहेको छ । रातो आलु (लाम्चो) को अधिकतम मूल्य प्रतिकिलो ४० रुपैयाँ, रातो आलु (गोलो) र रातो आलु (मुडे) ३५ रुपैयाँ, भारतीय रातो आलु ३० रुपैयाँ तथा सेतो आलु ३० रुपैयाँ प्रतिकिलो कायम गरिएको छ । यस्तै, सुकेको भारतीय प्याजको अधिकतम थोक मूल्य प्रतिकिलो ५५ रुपैयाँ तोकिएको छ ।
हरियो तरकारीतर्फ गाजर (लोकल) प्रतिकिलो १०० रुपैयाँ, बन्दा ६० रुपैयाँ, स्थानीय काउली ९० रुपैयाँ, रातो मूला ३० रुपैयाँ, सेतो मूला (हाइब्रिड) २० रुपैयाँ, लाम्चो भन्टा २० रुपैयाँ र डल्लो भन्टा ३० रुपैयाँसम्म पुगेको छ ।
यस्तै, बोडीको अधिकतम मूल्य प्रतिकिलो ४० रुपैयाँ, मकै बोडी ५० रुपैयाँ, मटरकोशा १३० रुपैयाँ, घिउ सिमी ६० रुपैयाँ, राजमा सिमी ८० रुपैयाँ र भटमासकोशा १०० रुपैयाँ कायम गरिएको छ ।
अन्य तरकारीमध्ये तितो करेला ३० रुपैयाँ, लौका ४० रुपैयाँ, परवर ४० रुपैयाँ, चिचिण्डो ३० रुपैयाँ, घिरौला ४० रुपैयाँ, झिगूनी ५० रुपैयाँ, फर्सी पाकेको ६० रुपैयाँ र हरियो फर्सी ५० रुपैयाँसम्म कारोबार हुने समितिले जनाएको छ ।
सागसब्जीमध्ये रायो सागको अधिकतम मूल्य प्रतिकिलो ४० रुपैयाँ, पालुंगो साग र चमसुरको साग ६० रुपैयाँ, तोरीको साग ५० रुपैयाँ, हरियो प्याज १५० रुपैयाँसम्म पुगेको छ ।
च्याउतर्फ कन्य च्याउको मूल्य प्रतिकिलो २८० रुपैयाँ, डल्ले च्याउ ४८० रुपैयाँ, राजा च्याउ ३०० रुपैयाँ र सिताके च्याउ १ हजार रुपैयाँसम्म कायम गरिएको छ ।
फलफूलतर्फ स्याउ (फूजी) प्रतिकिलो ३०० रुपैयाँ, नेपाली केरा दर्जनको २५० रुपैयाँ, मालभोग केरा २०० रुपैयाँ, कागती २०० रुपैयाँ, अनार ४५० रुपैयाँ, आँप (मालदह) ९० रुपैयाँ र आँप (दसहरी) १०० रुपैयाँसम्म पुगेको छ ।
तरबुजा प्रतिकिलो ६० रुपैयाँ, जुनार २३० रुपैयाँ, भुइँकटहर प्रतिगोटा २०० रुपैयाँ, लोकल काक्रो ७० रुपैयाँ र हाइब्रिड काक्रो ३० रुपैयाँसम्म कारोबार हुने उल्लेख छ ।
मसला तथा अन्य कृषिजन्य वस्तुमा अदुवा प्रतिकिलो १५० रुपैयाँ, सुकेको खुर्सानी ५०० रुपैयाँ, हरियो अकबरे खुर्सानी ३०० रुपैयाँ, हरियो धनिया १३० रुपैयाँ, सुकेको चाइनिज लसुन २२० रुपैयाँ र नेपाली सुकेको लसुन १८० रुपैयाँसम्म कायम गरिएको छ ।
यस्तै, माछातर्फ ताजा रहु माछाको अधिकतम थोक मूल्य प्रतिकिलो ३४० रुपैयाँ, बचुवा माछा ३०० रुपैयाँ र छडी माछा २५० रुपैयाँ कायम गरिएको समितिले जनाएको छ ।
कालीमाटी बजार विकास समितिले तोकेको मूल्य थोक कारोबारका लागि भएको भन्दै खुद्रा बजारमा स्थान, माग, आपूर्ति र अन्य खर्चका आधारमा केही फरक पर्न सक्ने जनाएको छ । बजारमा मूल्य पारदर्शिता कायम गर्न समितिले दैनिकरूपमा कृषिउपजको मूल्य विवरण सार्वजनिक गर्दै आएको छ ।
