काठमाडाैं । शेयर बजार आज झिनो अंकले मात्रै सकारात्मक भएको छ ।
दिनभरको उतार चढावका बीच शून्य दशमलव शून्य ८ अंकले हरियो बन्दै बजार परिसूचक २७ सय ५ मै स्थिर बसेको हो । नेप्सेमा रहेका १३ वटा उपसमूह मध्ये ८ वटा उपसमूह घट्दा ५ वटा उपसमूह सामान्य अंकले बढेका हुन् ।
१२५ वटा कम्पनीको शेयर मूल्य बढ्दा १३२ वटा कम्पनीको शेयर मूल्य घटेको छ । आज पनि भर्खरै आइपीओ सूचिकृत भएका सोपान फर्मास्युटिकल्स र अपोलो हाइड्रोपावरको शेयर मूल्यमा सकारात्मक सर्किट लागेको छ । एनएमबी डिबेञ्चरका लगानीकर्ताले सवैभन्दा बढी ८ दशमलव ६४ प्रतिशत गुमाएका छन् ।
दिनभरमा ३५२ वटा स्टकको ८३ लाख ७५ हजार कित्ता शेयर तीन अर्ब ६३ करोड ७५ लाख ८९ हजार रुपैयाँ बराबरमा खरिद विक्री भएको छ । कारोबार रकमका आधारमा एनआरएन इन्फ्रास्टक्चर कम्पनीको सर्वाधिक २१ करोड १७ लाख ११ हजार रुपैयाँ बराबरको शेयर कारोबार भएको छ ।
