काठमाडाैं । चितवन भरतपुर कारागारका ५० जना कैदी भाइरल ज्वरोबाट पीडित भएका छन् ।
जिल्ला कारागारका प्रमुख रवीन्द्र ढुङ्गानाले हालसम्म ५० जना कैदीमा यो समस्या देखिएको हो । दैनिक पाँचदेखि सात जनामा भाइरल ज्वरोबाट पीडित भएकाे बताउदै उहाँले समस्या दैनिक रूपमा बढेको बताउनुभयाे ।
हाल कारागारमा ७ सय १२ जना कैदी रहेकाे कारागार प्रशासनले जनाएकाे हाे । कारागारको क्षमता ६ सय रहेकाे हो । तर कारागारमा ५० जना महिला र ५ सय ५० जना पुरुषलाई राख्नसक्ने व्यवस्था भए पनि क्षमता भन्दा बढी बन्दीलाई राखिएको छ ।
भाइरल ज्वरोबाट पीडित भएकाहरूलाई छुट्टै कोठामा राखेर उपचार गरिएको छ । जिल्ला जनस्वास्थ्य कार्यालय र भरतपुर महानगरपालिकाको सहयोगमा औषधि व्यवस्थापन गरिएको कारागार प्रशासनले जनाएकाे हाे ।
