काठमाडाैं । सन् २०२६ को मे महिनामा १ लाख भन्दा बढी पर्यटक नेपाल भित्रिएका छन् ।
नेपाल पर्यटन बोर्डले गत मे महिनामा १ लाख २ हजार ६ सय २६ जना पर्यटक नेपाल भित्रिएकाे जनाएकाे हाे । यो सङ्ख्या गत वर्षको तुलनामा १९ प्रतिशतले बढी हो । बोर्डले गत वर्षको मे महिनामा ८६ हजार २ सय १६ जना पर्यटक नेपाल आएकाे जनाएकाे छ । कोरोना महामारी अगाडि सन् २०१९ को मे महिनामा ७८ हजार ३ सय २९ जना विदेशी नेपाल घुम्न आएका थिए ।
मे महिनामा नेपाल आउने पर्यटकमध्ये सबै भन्दा बढी छिमेकी देश भारतका रहेका छन् । यो महिनामा भारतबाट मात्र ४० हजार ७ सय ८२ पर्यटक नेपाल घुम्न आएका छन् । त्यस्तै, दोस्रोमा चीनबाट ११ हजार ५ सय १४, तेस्रोमा अमेरिकाबाट ९ हजार १, चौथोमा बङ्गलादेशबाट ५ हजार २ सय ९८ र पाँचौँमा बेलायतबाट ३ हजार ३ सय ७५ जना पर्यटक नेपाल घुम्न आएका छन् ।
त्यस्तै, क्षेत्रगत रूपमा विश्लेषण गर्दा सबै भन्दा बढी सार्क देशबाट ४७ दशमलव २ प्रतिशत, अन्य एशियाली देशबाट १९ दशमलव ९ प्रतिशत, युरोपबाट १३ दशमलव १ प्रतिशत, अमेरिका क्षेत्रबाट १० दशमलव ३ प्रतिशत, अस्ट्रेलियारन्युजिल्यान्ड क्षेत्रबाट ३ दशमलव १ प्रतिशत, मध्यपूर्वबाट १ दशमलव ५ पाँच प्रतिशत र अन्य देशबाट ४ दशमलव ५ प्रतिशत विदेशी नेपाल आएका छन् ।
पश्चिम एशियामा जारी द्वन्द्वकैबीच नेपालमा पर्यटक संख्या बढेको बाेर्डले जनाएकाे हाे।
