काठमाडौं । स्वास्थ्य तथा जनसंख्यामन्त्री निशा मेहता र नेपालका लागि चिनियाँ राजदूत चाङ माउमिङ्गबीच शिष्टाचार भेटवार्ता भएकाे छ।
सिंहदरवारस्थित मन्त्रालयमा सोमबार राति भएको भेटवार्तामा उनीहरूबीच दुई देशबीचको घनिष्ठ सम्बन्धका विषयमा छलफल भएको मन्त्रालयका सह प्रवक्ता डा समीरकुमार अधिकारीले बताउनुभएकाे हाे। मन्त्री मेहताले चीन सरकारले नेपाललाई पुर्याउँदै आएको सहयोग र स्वास्थ्य क्षेत्रका विभिन्न परियोजनामा भएको सहयोगको प्रशंसा गर्नुभयाे । चीनले गरेको विकासबाट नेपालले पाठ सिकेर योजनासहित काम गर्ने उहाँकाे भनाइ छ ।
राजदूतले राजदूत चाङले नेपालको आर्थिक एवं सामाजिक विकासमा वर्तमान सरकारले उल्लेख्य सफलता हासिल गर्न सकोस् भनेर कार्यकालको शुभकामना व्यक्त गरेको सह प्रवक्ता डा अधिकारीले जानकारी दिनुभयाे । उहाँले चीन सरकार नेपाल सरकारको प्राथमकिताका क्षेत्रमा सहयोग गर्न तयार रहेको बताउनुभएकाे छ ।
राजदूत चाङले परम्परागत चिकित्सा प्रणाली, जनस्वास्थ्य, पूर्वाधार तथा खाद्य स्वास्च्छताका विविध क्षेत्रमा क्षमता अभिवृद्धि एवं प्राविधिक सहयोग गर्न सकिने प्रस्ताव राख्नुभयाे। साेही भेटवार्तामा सरकारका उच्च अधिकारीको समेत सहभागिता रहेकाे थियो ।
