काठमाडौं । संघीय संसदको प्रतिनिधिसभा अन्तर्गत रहेका सार्वजनिक लेखा समिति र कानून, न्याय तथा मानवअधिकार समितिको बैठक साेमबार बस्ने भएकाे छ ।
सार्वजनिक लेखा समितिको बैठक साेमबार बिहान ११ बजे समितिको बैठक कक्ष सिंहदरबारमा बस्ने भएकाे हाे । बैठकमा बेरुजुको आयतन उच्च भएका मन्त्रालयका लेखा उत्तरदायी अधिकृतहरुसँग बेरुजु न्यूनीकरण सम्बन्धी विषयमा छलफल गर्ने कार्यसूची रहेको छ ।
त्यस्तै, कानून, न्याय तथा मानवअधिकार समितिको बैठक साेमबार मध्याह्रन साढे १२ बजे सिंहदरबारमा बस्नेछ । बैठकमा कानून, न्याय तथा संसदीय मामिला मन्त्रालयको कार्यक्षेत्र, चालु आर्थिक वर्षको प्रगति समीक्षा, आगामी कार्ययोजना सम्बन्ध र होल्डिङ सेन्टरमा समितिद्वारा गरिएको स्थलगत अवलोकन प्रतिवेदनबारे छलफल गर्ने कार्यसूची रहेको संसद सचिवालयले जनाएकाे हाे।
