काठमाडाैं । राष्ट्रिय विपद् जोखिम न्यूनीकरण तथा व्यवस्थापन प्राधिकरणले पश्चिम तराईमा अझै केही दिन अत्याधिक गर्मी र तातो हावाको लहर चल्नसक्ने भएकाले शतर्कता अपनाउन आग्रह गरेको छ ।
प्राधिकरणले दाङ, बाँके, बर्दिया, डोटी, कैलाली तथा कञ्चनपुरलाई उच्च शतर्कता र कपिलवस्तु, रुपन्देही, अर्घाखाँची, पाल्पा, सुर्खेत लगायतका जिल्लालाई अद्यावधिक रहनुपर्ने सूचीमा राखेको हाे । साेही जिल्लाका अधिकांश ठाउँको तापक्रम ४० डिग्री सेल्सियस र साे भन्दा माथि पुगेको छ ।
अत्याधिक गर्मीका कारण थकाइ, कमजोरी, टाउको दुख्ने, चक्कर आउने, बेहोस हुने र बान्ता हुने जस्ता स्वास्थ्य समस्या देखिन सक्ने चिकित्सकहरूले बताएका हुन् । तातो हावाको लहरबाट बच्न चर्को घाम लागेको बेला घरभित्रै बस्न, बाहिर निस्कनै परे पातलो कपडाले टाउको ढाक्न, प्रशस्त पानी पिउन र कागती पानी तथा फलफूल खान प्राधिकरणले अनुरोध गरेको छ ।
त्यस्तै, बालबालिकालाई चर्को घाममा खेल्न नपठाउन र खेतबारीको काम बिहान वा दिउँसोपछि मात्र गर्न पनि प्राधिकरणले अनुराेध गरेको हाे ।
