काठमाडाैं । नेपाल आयल निगमले डिजेल, मट्टीतेल र हवाइ इन्धन आन्तरिकतर्फको मूल्य बढाएको छ ।
निगमले बुधबार राति एक विज्ञप्ति जारी गर्दै पेट्रोल र खाना पकाउने एलपी ग्यासको मूल्य भने यथावत् रहेकाे जनाएकाे हाे। डिजेल-मट्टितेलको प्रतिलिटर ३० रुपैयाँ र हवाइ इन्धन आन्तरिकतर्फ प्रतिलिटर ५ रुपैयाँ मूल्य बढेको छ । अब डिजेल र मट्टीतेलको मूल्य पहिलो वर्गमा प्रतिलिटर २ सय ३४ रुपैयाँ ५० पैसा, दोस्रो वर्गमा २ सय ३६ रुपैयाँ र तेस्रो वर्गमा २ सय ३७ रुपैयाँ पुगेको हाे।
निगमले हवाई इन्धन आन्तरिकतर्फ प्रतिलिटर २ सय ५६ रुपैयाँ भएको जनाएकाे हाे ।
