काठमाडौं । प्रतिनिधि सभाको उपसभामुख पदमा उम्मेदवारी दिएकी श्रम संस्कृति पार्टीकी सांसद रुवीकुमारी ठाकुर ले आफूलाई पार्टीले ठूलो जिम्मेवारी दिएको बताएकी छन् ।
बिहीबार उम्मेदवारी दर्तापछि पत्रकारसँग कुराकानी गर्दै उनले यो जिम्मेवारी पूरा गर्न सक्षम रहेको विश्वास व्यक्त गरिन् ।
“म अध्यक्षज्यूलाई धन्यवाद दिन चाहन्छु, भुँईको मान्छेलाई यति माथिसम्म पु¥याउनुभयो । मैले कल्पना पनि गरेको थिइनँ,” उनले भनिन्, “जिम्मेवारी ठूलो छ, तर म सक्छु । देशका लागि आवश्यक सबै काम गर्नेछु ।”
उनले सत्तारुढ दल राष्ट्रिय स्वतन्त्र पार्टी (रास्वपा) ले समर्थन गरेर आफूलाई ‘सरप्राइज’ दिएको पनि उल्लेख गरिन् ।
“रास्वपाले समर्थन गर्ने कुरा थिएन, तर उहाँहरूले समर्थन गरेर सरप्राइज दिनुभयो, धन्यवाद दिन चाहन्छु,” उनले भनिन्, “म मधेसको छोरी हुँ, मधेसको छोरीलाई अगाडि बढाउन सहयोग गर्नुभएको होला ।”
ठाकुरले रास्वपाको समर्थनमा बिहीबार संघीय संसद सचिवालयमा उपसभामुख पदका लागि उम्मेदवारी दर्ता गराएकी हुन् ।
