काठमाडौं । नेकपा एमालेले आज बिहान ११ बजे सचिवालय बैठक बोलाएको छ। बैठक पार्टी कार्यालय च्यासलमा बस्ने तय भएको छ।
पार्टीका अनुसार बैठकमा अध्यक्ष केपी शर्मा ओली पक्राउपछिको समग्र राजनीतिक अवस्था, पार्टीको धारणा तथा आगामी रणनीतिबारे विस्तृत छलफल गरिनेछ।
ओली पक्राउसँगै विकसित राजनीतिक घटनाक्रम, सरकारको कदमप्रति पार्टीको प्रतिक्रिया, साथै आन्दोलनका सम्भावित कार्यक्रमहरूबारे पनि बैठकमा निर्णय हुने अपेक्षा गरिएको छ।
एमालेले यस घटनालाई गम्भीर रूपमा लिँदै केन्द्रीय तहबाटै स्पष्ट धारणा बनाउने तयारी गरेको जनाएको छ।
